Առաջընթաց պարոքսիզմային գիշերային հեմոգլոբինամիզության բուժման մեջ 6

Éléonore Kaphan, Régis Peffault de Latour.
Ամփոփագիր
Պարոքսիզմային գիշերային հեմոգլոբինամիզությունն (ՊԳՀ) արյունաստեղծ ցողունային բջիջների հազվադեպ, ձեռքբերովի կլոնային հիվանդություն է, որը հանգեցնում է կոմպլեմենտի ներգործության նկատմամբ զգայունության բարձրացման և էրիթրոցիտների քայքայման հետևանքով առաջացած սակավարյունության: Սակավարյունության և արյունաքայքայման հետ կապված կլինիկական նշաններից բացի, ՊԳՀ-ն կարող է բարդանալ թրոմբոզով և ոսկրածուծի ապլազիայով։ Կոմպլեմենտի եզրափակիչ ուղու բաղադրիչների արգելակիչների (C5 արգելակիչների) մշակումը հնարավորություն է տվել թրոմբոզային բարդությունները նվազեցնելու միջոցով բարելավելու հիվանդների կանխատեսումը, ինչպես նաև՝ կյանքի որակը՝ սակավարյունության նվազեցման միջոցով: Այնուամենայնիվ, հիվանդների 40%-ը C5 արգելակիչներով բուժվելիս մշտական փոխներարկման կարիք է ունենում՝ արտանոթային արյունաքայքման առկայության կամ կոմպլեմենտի անբավարար պաշարման պատճառով: Այս համատեքտսում մշակվել են կոմպլեմենտի սկզբնական ուղիների բաղադրիչների արգելակիչներ (C3-ի և B կամ D գործոնների արգելակիչներ): Դրանց տեղը բուժական ռազմավարության մեջ դեռևս հստակեցման կարիք ունի։
Մարտ 2025
La revue du praticien n° Tome 75 / n° 16 PDF