Պատանեկան իդիոպաթիկ հոդաբորբի ոչ համակարգային ձևեր 33

Arthur Felix, Cécile Dumaine, Ulrich Meinzer.
Ամփոփագիր
Պատանեկան իդիոպաթիկ հոդաբորբի (ՊԻՀ) ոչ համակարգային ձևերի համար ընդհանուր բնութագրեր են՝ մինչև 16 տարեկան տարիքում սկսվելը, հոդաբորբի առկայությունը և տարբերակիչ ախտորոշումները բացառելուց հետո ավելի քան 6-շաբաթյա ընթացքը: Ռևմատոլոգիական միությունների միջազգային լիգայի (International League of Associations for Rheumatology) ներկայիս դասակարգումը հիմնված է կլինիկական ու կենսաբանական չափանիշների վրա և տարբերում է ոչ համակարգային ՊԻՀ-ի հետևյալ ձևերը՝ սակավահոդային (օլիգոարտիկուլյար), բազմահոդային (պոլիարտիկուլյար)՝ ռևմատոիդ գործոնով ու առանց դրա, էնթեզիտով հոդաբորբ, փսորիազային հոդաբորբ և չդասակարգված ձևեր: Որոշ ձևեր ունեն մանկական տարիքին հատուկ կլինիկական դրսևորումներ և առանձնահատկություններ: Բուժումը բազմաբնագավառային է, համակարգում է մանկական ռևմատոլոգիայի ոլորտում մասնագիտացած կամ ռեֆերենս կենտրոնի ստացիոնարում աշխատող բժիշկը՝ ընտանեկան բժշկի հետ համատեղ և այլ մասնագետների աջակցությամբ՝ կլինիկական պատկերից կախված: Ներկայումս կանխատեսումը, ընդհանուր առմամբ, բարենպաստ է բուժական նոր ալգորիթմների մշակման և ծանր ձևերի համար կենսաբուժական միջոցների հասանելիության շնորհիվ: Այս հոդվածը ներկայացնում է ՊԻՀ-ի տարբեր տեսակների և երեխաների շրջանում այս հիվանդությունների կասկածի դեպքում կլինիկական, կենսաբանական և առաջին շարքի վարման ընդհանուր պատկերը:
Մարտ 2025
La revue du praticien n° Tome 75 / n° 16 PDF