Ատիպիկ բակտերիալ թոքաբորբեր 75

Romaric Larcher, Paul Loubet.
Ամփոփագիր
Ատիպիկ բակտերիալ թոքաբորբերը հարուցվում են մի քանի ախտածին մանրէներով, ներառյալ՝ Mycoplasma pneumoniae-ն, Chlamydia pneumoniae-ն, Legionella pneumophila-ն, Chlamydia psittaci-ն, Coxiella burnetii-ն և Francisella tularensis-ը: Դրանց կլինիկական, կենսաբանական և ռենտգենագրական պատկերը հաճախ ոչ առանձնահատուկ է և երբեմն դժվար է լինում տարբերակել տիպիկ՝ սուր բլթային թոքաբորբին բնորոշ պատկերից: Դրանց ախտորոշիչ և բուժական վարումը դժվարացած է, քանի որ խնդրո առարկա հարուցիչները հաճախ չեն հայտնաբերվում ավանդական մանրէաբանական եղանակներով, և բոլորն էլ կայուն են բետա-լակտամների նկատմամբ: Հետևաբար, բժիշկը պետք է կարողանա հանգել այդ ախտորոշմանը, որպեսզի նշանակի համապատասխան բուժում, որը հիմնված է այնպիսի հակաբիոտիկների կիրառության վրա, ինչպիսիք են մակրոլիդները, տետրացիկլինները կամ ֆտորքինոլոնները: Վերջապես, որոշ դեպքերում նա պետք է հաստատի ատիպիկ բակտերիալ թոքաբորբի ախտորոշումը հատուկ հետազոտությունների միջոցով, օրինակ՝ ՊՇՌ-ով (պոլիմերազային շղթայական ռեակցիա), մեզում հակածնի որոշման թեստով կամ շճաբանական քննությամբ՝ վարումը լավագույնս ուղղորդելու համար:
Մարտ 2025
La revue du praticien n° Tome 75 / n° 16 PDF